دیدار زلمی خلیل‌زاد با رئیس جمهور تاجیکستان؛ افغانستان محور مذاکرات

اعتمادآنلاین| نماینده ویژه رئیس جمهور آمریکا در افغانستان که به «دوشنبه» سفر کرده است با رئیس جمهور تاجیکستان دیدار و گفت‌وگو کرد.

به گزارش فارس در دوشنبه، «زلمی خلیل‌زاد» نماینده ویژه رئیس جمهور آمریکا در افغانستان که در چارچوب سفر کاری به «دوشنبه» سفر کرده است با «امامعلی رحمان» رئیس جمهور تاجیکستان ملاقات کرد.

در جریان این دیدار وضعیت فعلی در افغانستان، روند بازسازی صلح و ثبات در این کشور و همچنین موضوعات منطقه‌ای و جهانی مورد بحث و بررسی قرار گرفت.

رحمان تاکید کرد که وضعیت در افغانستان و گسترش روابط چند جانبه این کشور با تاجیکستان همیشه در مرکز توجه وی قرار دارد.

وی افزود: تاجیکستان از تلاش‌های دولت افغانستان در زمینه برقراری امنیت، صلح و ثبات حمایت و از مذاکرات بین افغانی با این هدف استقبال می‌کند.

طرفین ضمن بررسی امنیت منطقه‌ای بر اهمیت تقویت و گسترش همکاری در زمینه مبارزه با تهدیدات و خطرات معاصر مانند تروریسم، افراط گرایی، قاچاق مواد مخدر و سایر جرایم سازمان یافته فراملی تاکید کردند.

رحمان تاکید کرد که «دوشنبه» با استفاده از همه فرصت‌ها و پتانسیل موجود در آینده نیز تلاش خواهد کرد تا در حل مشکلات افغانستان و بازسازی اقتصادی و اجتماعی آن سهم خود را ایفا کند.

خلیل‌زاد پس از ملاقات با رحمان گفت: ما از سیاست تاجیکستان در مورد همکاری و دستیابی به صلح و ثبات و همچنین پیشرفت در افغانستان راضی هستیم.

بنابر سخنان وی، افغانستان پلی است بین آسیای مرکزی و آسیای جنوبی و صلح و ثبات در این منطقه برای توسعه تجارت، حمل و نقل محصولات و کالا برای تاجیکستان و سایر کشورهای آسیای مرکزی بسیار مهم است.

این یکی از اهداف مهم همکاری بین تاجیکستان و ایالات متحده است.