قاری فصیح الدین فطرت، رئیس ستاد ارتش طالبان:
طالبان 10 هزار نیرو به مرزهای تاجیکستان و ازبکستان اعزام می‌کند
رئیس ستاد ارتش طالبان از اعزام 10 هزار نیرو به مرزهای شمالی این کشور هم مرز با تاجیکستان و ازبکستان خبر داد.
قاری فصیح الدین فطرت رئیس ستاد ارتش طالبان گفت: 10 هزار شبه نظامی مسلح به سلاح و تجهیزات مدرن به ولایت‌های هم‌مرز با تاجیکستان و ازبکستان اعزام خواهد شد.
به گزارش فارس، اسپوتنیک در خبری با اشاره به سخنان وی افزود: 10 هزار نیروی نظامی با مدرن ترین تجهیزات ناتو و آمریکا، در ولایات شمال و شمال شرقی کشور حضور داشته و در برابر هر عمل مسلحانه اقدام خواهند کرد.
به گفته وی، در کمترین زمان ممکن هواپیماهای جنگی آماده خواهند شد و از این نیروها پشتیبانی خواهند کرد.
گفتنی است ولایت شمالی بلخ افغانستان با ازبکستان، قندوز در ولایات شمال شرقی، تخار و بدخشان با تاجیکستان همسایه هستند.
اعزام نیروهای طالبان به شمال افغانستان و هم مرز با تاجیکستان در حالی است که تاکنون روسیه با اعضای کشورهای پیمان امنیت جمعی در مرزهای تاجیکستان چندین رزمایش برگزار کرده است.
دیدگاه تان را بنویسید